"Ливерпуль" марказий ҳимоячиси Виржил ван Дейк "Атлетико"га қарши ўйин олдидан "қизиллар" мухлисларига мурожаат қилди.
"Сизлар борингизни беришингиз керак. Сизнинг қўллаб-қувватлашингиз бизга Чемпионлар лигасининг кўплаб муҳим ўйинларида ёрдам берди ва умид қиламанки, бугун ҳам шундай бўлади. Келинг, "Энфилд"ни Европада ҳеч бир жамоа бўлишни истамайдиган жойга айлантирайлик", - деди ҳимоячи "Ливерпуль" расмий сайтига.
Футболчининг сўзларига кўра, Арне Слот жамоаси учун осон бўлмайди, чунки "Атлетико" азалдан дунёнинг энг яхши клубларидан бири бўлиб келган.
"Мерсисайдликлар" бугун, 17 сентябрь куни ўз уй стадионида “Атлетико” билан ўйнайди. Учрашув соат 23:59да бошланади.
