"Barselona" bosh murabbiyi Xans-Diter Flik Chempionlar Ligasi umumiy bosqichining 1-turidan o‘rin olgan "Nyukasl"ga (2:1) qarshi o‘yindan so‘ng o‘z fikrlarini bildirib o‘tdi.
"Fantastik muhit edi. "Nyukasl" qanday shiddat bilan o‘ynayotganini ko‘rdik. Biz aynan shuni kutgan edik. O‘z kuchimizga ishondik, o‘zimizga ishondik. Chempionlar Ligasi mavsumi startida uch ochko olish juda muhim. O‘tgan yilni "Monako"dan uchralgan mag‘lubiyat bilan boshlagandik. G‘alaba bizga yanada yaxshiroq bo‘lishga yordam beradi", - dedi Flik TNT Sports nashriga bergan intervyusida.
Chempionlar ligasining 2-turida "Barselona" o‘z maydonida "PSJ"ni qabul qiladi. O‘yin 1 oktyabr, chorshanba kuni bo‘lib o‘tadi.
