Germaniya terma jamoasining sobiq bosh murabbiyi Yoaxim Lyov 39 yoshli milliy jamoa sobiq darvozaboni, hozirda «Bavariya» sharafini himoya qilayotgan Manuel Noyer haqida fikr bildirdi.
«Manuel Noyer, ehtimol, tarixdagi eng yaxshi darvozabon. U futbolga mutlaqo boshqacha qiyofa baxsh etdi. 15 yildan beri u mutlaq elita safida. Bugun uni “Bavariya”dagi o‘yinlarini ko‘rganda, undagi ishonch va xarizma yaqqol ko‘zga tashlanib turadi. U har jihatdan boshqalardan ajralib turadi», — deya Lyovning so‘zlarini keltiradi "Bayern & Germany" .
Noyer 2009 yildan 2024 yilgacha Germaniya terma jamoasida to‘p surgan. Uning hisobida 124 o‘yin, 118 ta o‘tkazib yuborilgan gol va 51 ta «quruq» o‘yin bor. Klub darajasida esa Noyer 2011 yildan buyon «Bavariya» safida harakat qilmoqda. Ungacha esa o‘z tarbiyasi bo‘lgan «Shalke-04» darvozasini qo‘riqlagan.













