Xarri Maguayr yaqinda "Manchester Yunayted" safidagi 250-o‘yinini o‘tkazdi. Yubiley "Manchester Siti" bilan 0:3 hisobida mag‘lub bo‘lgan derbiga to‘g‘ri keldi. O‘sha uchrashuvda 32 yoshli markaziy himoyachi zaxiradan o‘yinga qo‘shildi.
"Manchester Yunayted" safida 250ta o‘yin o‘tkazish - katta sharaf. Men klubimizni dunyodagi eng yaxshi klub deb bilaman, shuning uchun juda omadliman. Hozir e’tiborimni kelajakka qaratmoqdaman va "MYU"ning yaxshiroq bo‘lishiga yordam berishga umid qilaman," - dedi angliyalik Sky Sports’ga bergan intervyusida.
Maguayr mankunianliklar safiga 2019 yilning yozida 87 mln yevro evaziga "Lester"dan ko‘chib o‘tgandi. Futbolchining amaldagi shartnomasi kelasi yilning yozida o‘z nihoyasiga yetadi.













