Харри Магуайр яқинда "Манчестер Юнайтед" сафидаги 250-ўйинини ўтказди. Юбилей "Манчестер Сити" билан 0:3 ҳисобида мағлуб бўлган дербига тўғри келди. Ўша учрашувда 32 ёшли марказий ҳимоячи захирадан ўйинга қўшилди.
"Манчестер Юнайтед" сафида 250та ўйин ўтказиш - катта шараф. Мен клубимизни дунёдаги энг яхши клуб деб биламан, шунинг учун жуда омадлиман. Ҳозир эътиборимни келажакка қаратмоқдаман ва "МЮ"нинг яхшироқ бўлишига ёрдам беришга умид қиламан," - деди англиялик Sky Sports’га берган интервьюсида.
Магуайр манкунианликлар сафига 2019 йилнинг ёзида 87 млн евро эвазига "Лестер"дан кўчиб ўтганди. Футболчининг амалдаги шартномаси келаси йилнинг ёзида ўз ниҳоясига етади.
