"Manchester Yunayted" sharafini himoya qilayotgan Xarri Maguayr jamoasi sha’niga aytilgan tanqidlarga munosabat bildirdi.

"Tizimni tanqid qilish oson, chunki biz g‘alaba qozonmayapmiz. Biz Amorim kelganidan xursandmiz. Tizimni rejalashtirish oson, lekin uning bajarilishi o‘yinchilarga bog‘liq. Agar sen yaxshi futbolchi bo‘lsang, istalgan taktikada o‘ynay olasan", - dedi Maguayr.

Angliya chempionatining joriy mavsumida o‘tkazilgan 4 ta tur o‘yinida Ruben Amorim shogirdlari 1 ta g‘alaba, 2 ta mag‘lubiyat va 1 ta durang qayd etishgan. "Manchester Yunayted" turnir jadvalida 14-o‘rinda bormoqda.