Ispaniyaning "Barselona" klubi yarim himoyachisi Pedro Gonsales Lopes, ko‘proq Pedri nomi bilan tanilgan futbolchi o‘zining gollarni nishonlash odatiga izoh berdi.
"Men gollarni otam uchun shunday nishonlayman. Bir kuni men u bilan uyda tushlik qildim va unga gollar bag‘ishlamoqchi edim, chunki u bolaligimdan har doim va hamma narsada men bilan birga edi. Butun oila ko‘zoynak taqib yurgani uchun biz bu imo-ishorani o‘ylab topdik", - deya futbolchining so‘zlarini keltiradi Barça Reddit.
22 yoshli Pedri "Barselona" safida 2020 yildan buyon to‘p tepib kelmoqda, u "Las-Palmas"dan 23 million yevro evaziga "Barselona"ga o‘tgan. 207 ta o‘yinda futbolchi 27 ta gol urdi va 21 ta golli uzatmani amalga oshirdi.
