Испаниянинг "Барселона" клуби ярим ҳимоячиси Педро Гонсалес Лопес, кўпроқ Педри номи билан танилган футболчи ўзининг голларни нишонлаш одатига изоҳ берди.
"Мен голларни отам учун шундай нишонлайман. Бир куни мен у билан уйда тушлик қилдим ва унга голлар бағишламоқчи эдим, чунки у болалигимдан ҳар доим ва ҳамма нарсада мен билан бирга эди. Бутун оила кўзойнак тақиб юргани учун биз бу имо-ишорани ўйлаб топдик", - дея футболчининг сўзларини келтиради Barça Reddit.
22 ёшли Педри "Барселона" сафида 2020 йилдан буён тўп тепиб келмоқда, у "Лас-Пальмас"дан 23 миллион евро эвазига "Барселона"га ўтган. 207 та ўйинда футболчи 27 та гол урди ва 21 та голли узатмани амалга оширди.
