"Manchester Siti" darvozaboni Shtefan Ortega faoliyatini Italiyada davom ettirishi mumkin.

32 yoshli darvozabon "shaharliklar"ning rejasida yo‘q - u Janluiji Donnarumma va Jeyms Trafforddan keyingi uchinchi variant hisoblanadi. Klub yozdayoq nemisni qo‘yib yuborishga tayyor edi, ammo xaridor topilmadi. Transfer News Live’ning Inter Live’ga tayanib xabar berishicha, endilikda Ortegani "Inter" nishonga olgan. "Neradzurrilar" rahbariyati "Siti" futbolchisida Yan Zommerning bo‘lajak o‘rinbosarini ko‘rmoqda. Transfer yanvar oyida amalga oshirilishi mumkin.

Shtefan Orteganing "Manchester Siti" bilan shartnomasi kelasi yozda yakuniga yetadi. Transfermarkt saytidagi kiperning taxminiy narxi - 8 mln yevro.