"Манчестер Сити" дарвозабони Штефан Ортега фаолиятини Италияда давом эттириши мумкин.
32 ёшли дарвозабон "шаҳарликлар"нинг режасида йўқ - у Жанлуижи Доннарумма ва Жеймс Траффорддан кейинги учинчи вариант ҳисобланади. Клуб ёздаёқ немисни қўйиб юборишга тайёр эди, аммо харидор топилмади. Transfer News Live’нинг Inter Live’га таяниб хабар беришича, эндиликда Ортегани "Интер" нишонга олган. "Нерадзуррилар" раҳбарияти "Сити" футболчисида Ян Зоммернинг бўлажак ўринбосарини кўрмоқда. Трансфер январь ойида амалга оширилиши мумкин.
Штефан Ортеганинг "Манчестер Сити" билан шартномаси келаси ёзда якунига етади. Transfermarkt сайтидаги кипернинг тахминий нархи - 8 млн евро.
