"Bavariya"ning sobiq afsonaviy futbolchisi, hozirda Myunxen klubi rahbariyati a’zosi Karl-Xayns Rummenigge DPA nashriga bergan intervyusida Tomas Myullerning qaytishi haqida gapirdi.

"Klubimiz muxlislari va rahbariyati jamoaning sobiq futbolchilarini "Bavariya" boshqaruvida ko‘rishni istashadi. O‘ylaymanki, Tomas Shimoliy Amerikada yangi tajriba orttirganidan so‘ng, kelajakda rahbarlik darajasida mas’uliyatni o‘z zimmasiga olishiga to‘g‘ri kelishiga ma’lum darajada tayyorgarlik ko‘rishi mumkin. U futbolni eng yuqori darajada o‘ynagan, klubni juda yaxshi biladi, lekin direktorlar kengashidagi lavozim yoki menejerlik - bu maydondagi ishdan butunlay boshqacha".

Eslatib o‘tamiz, 36 yoshli Tomas Myuller yozda "Bavariya" bilan shartnomasi yakunlangach, jamoani tark etganidan so‘ng hozirda "Vankuver Uaytkeps" sharafini himoya qilmoqda. U "qizillar" safida barcha musobaqalarda 756 ta o‘yin o‘tkazib, 250 ta gol va 276 ta golli uzatmani amalga oshirgan.