Joriy yilning 13-21 sentyabr kunlari sport kurashlari (yunon-rum, erkin va ayollar kurashi) bo‘yicha Zagreb shahrida (Xovatiya)joylashgan “Zagreb Arena”da kattalar o‘rtasida jahon chempionati bo‘lib o‘tdi.
Mazkur jahon chempionatida dunyoning 69 ta mamlakatidan 771 nafar sportchilar 30 ta medallar jamlanmasi uchun kurash olib borishdi. Ushbu jahon chempionatida O‘zbekiston milliy terma jamoa a’zolari jami 19 nafar (5 nafari erkin kurash, 8 nafari yunon-rum kurashi, 6 nafari ayollar kurashi) 19 ta vazn toifasida ishtirok etishdi.
Jahon chempionati yakuniga ko‘ra sportchilarimiz umumiy hisobda jami 5 ta medal (1 ta oltin, 1 ta kumush va 3 ta bronza) qo‘lga kiritishdi.
Kecha Toshkent xalqaro aeroportida sportchilar tantanali kutib olindi. Tadbirda Sport vaziri o‘rinbosari Shaxrillo Maxmudov, sport kurashlari federasiyasi rahbariyati, OAV vakillari hamda sportchilarning yaqinlari ishtirok etdi.
