"Vest Xem" bosh murabbiyni almashtirishga tayyorgarlik ko‘rmoqda. Seshanba kuni TBR Football sahifalarida "bolg‘achilar" murabbiylar shtabidagi vaziyat haqida material e’lon qilindi. Manbaga ko‘ra, "Vest Xem" terma jamoalar o‘yinlaridagi tanaffusga qadar Grem Potterni jamoa boshqaruvida saqlab qoladi. Ya’ni Potter qo‘l ostida "bolg‘achilar" Premyer-liga doirasida "Everton" (29 sentyabr) va "Arsenal" (4 oktyabr) bilan o‘yinlar o‘tkazadi.
Shu bilan birga, manbaning ta’kidlashicha, bu shunchaki "hukm ijrosini kechiktirish" - Potterning "Vest Xem"dagi kunlari sanoqli. Klub murabbiy o‘rnini egallaydigan o‘rinbosar bilan kelishib olmaguncha, uni iste’foga chiqarishni xohlamaydi. "Bolg‘achilar" Nunu Eshpiritu Santu va Slaven Bilich bilan muzokaralar olib bormoqda.
Hozirda jamoa APL turnir jadvalida 19-o‘rinda bormoqda.
