"Вест Хэм" бош мураббийни алмаштиришга тайёргарлик кўрмоқда. Сешанба куни TBR Football саҳифаларида "болғачилар" мураббийлар штабидаги вазият ҳақида материал эълон қилинди. Манбага кўра, "Вест Хэм" терма жамоалар ўйинларидаги танаффусга қадар Грэм Поттерни жамоа бошқарувида сақлаб қолади. Яъни Поттер қўл остида "болғачилар" Премьер-лига доирасида "Эвертон" (29 сентябрь) ва "Арсенал" (4 октябрь) билан ўйинлар ўтказади.
Шу билан бирга, манбанинг таъкидлашича, бу шунчаки "ҳукм ижросини кечиктириш" - Поттернинг "Вест Хэм"даги кунлари саноқли. Клуб мураббий ўрнини эгаллайдиган ўринбосар билан келишиб олмагунча, уни истеъфога чиқаришни хоҳламайди. "Болғачилар" Нуну Эшпириту Санту ва Славен Билич билан музокаралар олиб бормоқда.
Ҳозирда жамоа АПЛ турнир жадвалида 19-ўринда бормоқда.
