"Barselona" Ispaniya chempionatining 6-turida "Ovyedo"ni 3:1 hisobida mag‘lub etdi.
Uchrashuvning 33-daqiqasida mezbonlar yarim himoyachisi Alberto Reyna hisobni ochdi. Uning goli birinchi bo‘limda yagona bo‘lib qoldi. Tanaffusdan so‘ng kataloniyaliklar safida Erik Garsiya gol urib, hisobni tenglashtirishga erishdi. Uchrashuvning 70-daqiqasida Robert Levandovski mehmonlarni hisobda oldinga olib chiqdi, so‘nggi daqiqalarda esa Ronald Arauxo Markus Reshfordning uzatmasidan foydalanib, "ko‘k-anorranglilar" ustunligini yanada mustahkamladi.
"Barselona" 16 ochko to‘plab, turnir jadvalida 2-o‘rinni egallab turibdi. "Ovyedo" esa 3 ochko bilan 18-pog‘onada joylashgan.
La Liga, 6-tur
Real Ovyedo - Barselona - 1:3
26 sentyabr 2025 yil, juma, 00:30
Gollar: Reyna, 33 (1:0). E. Garsiya, 56 (1:1). Levandovski, 70 (1:2). Arauxo, 88 (1:3)
Ovyedo: Eskandel, Bayi, Karmu, Alxasseyn, Axyado, Reyna (Brekalo, 76), Dendonker (Kolombatto, 89), Shayra (Fores, 75), Xassan (Sibo, 65), Kasorla (Ilich, 65), Rondon
Barselona: X. Garsiya, Arauxo, Kubarsi, Martin (Kunde, 73), E. Garsiya, Pedri (Kristensen, 90+1), Kasado (de Yong, 46), Olmo, Reshford (Bernal, 90+1), Rafinya (Levandovski, 66), Torres
Ogohlantirish: Bayi, 90
