"Bavariya" joriy mavsumda barcha 8 o‘yinda g‘alaba qozondi.
Vensan Kompani boshchiligidagi jamoa o‘z maydonida Bundesliganing 5-turida "Verder"ni (4:0) mag‘lub etdi.
Shu tariqa, "Bavariya" joriy mavsumda 8 ta o‘yinning barchasida g‘alaba qozondi - Germaniya chempionatida 5 ta, Superkubok, Kubok va Chempionlar Ligasida bittadan. Bu davrdagi umumiy hisob - 30:7 Myunxen klubi foydasiga.
30 sentyabr kuni bavariyaliklar Chempionlar ligasi doirasida safarda Kiprning "Pafos" klubiga qarshi maydonga tushadi, so‘ngra "Ayntraxt" (4 oktyabr kuni safarda) va Dortmundning "Borussiya"si (18 oktyabr kuni uyda) bilan bahs olib boradi.
