"Bavariya" yarim himoyachisi Yozua Kimmix jamoadoshi Harri Keynning muvaffaqiyati haqida o‘z fikrlari bilan o‘rtoqlashdi.
Hujumchi juma kuni Bundesliga doirasidagi "Verder"ga qarshi o‘yinda (4:0) ikkita gol urdi. Angliyalik futbolchi myunxenliklar safida 104 ta o‘yinda maydonga tushib, 100 ta golga ega.
"Uning biz uchun o‘ynayotganidan juda xursandmiz. Keynning nafaqat gollari, balki maydondagi va uning tashqarisidagi xarakteri, shuningdek, mehnatsevarligini e’tirof etish kerak.
Uning jamoaning to‘p bilan ham, to‘psiz ham o‘yiniga qo‘shgan hissasi aql bovar qilmaydi", - deya Kimmixning so‘zlarini keltiradi Bayern & Germany.
