Madridning "Real" klubi himoyachisi Din Xyoysen Ispaniya chempionatining 7-turidan o‘rin olgan "Atletiko"ga (2:5) qarshi o‘yindan so‘ng o‘z fikrlarini bildirib o‘tdi. Xabi Alonso jamoasi mavsumdagi ilk mag‘lubiyatini qabul qilib oldi. "Qaymoqranglilar" 75 yil ichida ilk bor "matraschilar"dan beshta gol o‘tkazib yubordi.
"Ushbu dam olish kunlaridagi natija uchun muxlislardan uzr so‘rayman. Biz davom etamiz, oldimizda uzoq yo‘l turibdi," - deya Xyoysenning so‘zlarini keltiradi AS nashri X ijtimoiy tarmog‘idagi sahifasida.
Eslatib o‘tamiz, Ispaniya jamoasi Chempionlar Ligasi umumiy bosqichining 2-turida Qozog‘istonning "Qayrat" klubiga qarshi bahs olib boradi. Uchrashuv 30 sentyabr kuni Olma-otadagi "Markaziy" stadionda bo‘lib o‘tadi va soat 21:45 da boshlanadi.
