Мадриднинг "Реал" клуби ҳимоячиси Дин Хёйсен Испания чемпионатининг 7-туридан ўрин олган "Атлетико"га (2:5) қарши ўйиндан сўнг ўз фикрларини билдириб ўтди. Хаби Алонсо жамоаси мавсумдаги илк мағлубиятини қабул қилиб олди. "Қаймоқранглилар" 75 йил ичида илк бор "матрасчилар"дан бешта гол ўтказиб юборди.
"Ушбу дам олиш кунларидаги натижа учун мухлислардан узр сўрайман. Биз давом этамиз, олдимизда узоқ йўл турибди," - дея Хёйсеннинг сўзларини келтиради AS нашри Х ижтимоий тармоғидаги саҳифасида.
Эслатиб ўтамиз, Испания жамоаси Чемпионлар Лигаси умумий босқичининг 2-турида Қозоғистоннинг "Қайрат" клубига қарши баҳс олиб боради. Учрашув 30 сентябрь куни Олма-отадаги "Марказий" стадионда бўлиб ўтади ва соат 21:45 да бошланади.
