Joriy yilning 25-30 sentyabr kunlari O‘zbekiston Superligasi 23-tur bahslari bo‘lib o‘tdi.
“Andijon” 1:0 OKMK uchrashuvi turning eng ko‘p muxlis to‘plagan o‘yini bo‘ldi. Mazkur bellashuvni stadiondan bevosita 6 083 nafar muxlis kuzatib bordi.
Tur doirasida kechgan 8 o‘yinda jami 26 171 nafar muxlis uchrashuvlarni bevosita stadiondan kuzatib bordi. O‘rtacha hisobda har bir o‘yinga 3 271 nafardan to‘g‘ri keladi.
G‘uzorda bo‘lib o‘tgan “Mash’al” 0:0 “Buxoro” o‘yiniga esa 817 nafar tomoshabin kirdi va ushbu turdagi eng kam muxlis kirgan o‘yin bo‘ldi.
