"Manchester Yunayted"ning niderlandiyalik hujumchisi Joshua Zirkzee Italiya chempionatiga qaytishi mumkin. Bu haqda ESPN xabar bermoqda.
Manbaga ko‘ra, futbolchining transferiga bir necha klublar qiziqish bildirmoqda. Gap Turinning "Yuventus", "Milan" va "Komo" klublari haqida ketmoqda.
Eslatib o‘tamiz, Joshua "qizil iblislar" safiga o‘tgan yilning yozida "Bolonya"dan ko‘chib o‘tgan edi. Tomonlar o‘rtasidagi amaldagi shartnoma muddati 2029 yil iyun oyi oxirida tugaydi.
Angliya Premyer-ligasining joriy mavsumida 24 yoshli hujumchi uchta o‘yin o‘tkazdi. Uning hisobida golli harakatlar yo‘q.













