Jurnalist va sharhlovchi Orif Tolipov o‘z telegram-kanalida O‘zbekiston milliy jamoasiga murabbiy bo‘lishi kutilayotgan Fabio Kannavaroning maoshi haqida ma’lumot berdi.

«Insaydchilik bilan shug‘ullanmayman, lekin eshitib qoldim, aytmasam bo‘lmas: Kannavaroning maoshi haqidagi shu vaqtgacha chiqqan xabarlarlarda raqam ancha shishirilgan va real muzokaralardagi raqamlar bilan katta tafovutda ekan. Xullas, bu uncha ko‘p narsani o‘zgartirmasa ham, Fabio va shtabining maoshi 4 milliondan ancha kam bo‘lar ekan.

O‘sha gap, yaxshirog‘ini kutgan bo‘lsakda, nima ham qilamiz, qaror qabul qilingan bo‘lsa, gap milliy jamoa haqida-ku. Omad tilab muxlislik qilamiz», - deb yozdi Tolipov.

Avvalroq, 52 yoshli italiyalik Kannavaro yurtimizda yiliga 4 million yevro ishlab olishi haqida ma’lumot berilgan edi.