Lotar Matteus "Bavariya"ni hozirda Yevropaning eng yaxshi jamoasi deb atadi.

Myunxenliklar 6 o‘yinda 18 ochko jamg‘arib, Bundesliga turnir jadvalida peshqadamlik qilmoqda.

"Bavariya"ning hozirgi natijalari hayratlanarli. Myunxenliklar "Ayntraxt"ga qarshi bahsda o‘z kuchini ko‘rsatdi.

Menimcha, "Bavariya" hozir Yevropaning eng yaxshi jamoasi. Va gap faqat natijalarda emas.

Jamoa haqiqatan ham o‘yindan zavq olayotgani ko‘rinib turibdi. Jamoa ichida aniq tuzilma mavjud. Yevropaning boshqa ko‘plab yetakchi klublarida hozircha yo‘q.

Masalan, Jud Bellingem yoki Vinisius haqida tinimsiz gapiriladigan "Real". Yoki moliyaviy ahvoli tufayli doimiy norozilik hukm surayotgan "Barselona"ni. Yana "Liverpul", u yerda ko‘p pul sarflandi, ammo shu bilan birga jamoa ichida hasad ham paydo bo‘ldi.

Tasavvur qiling, "Bavariya" Lamin Yamalni o‘z safiga qo‘shib olsa - haqiqiy xaos yuzaga keladi.

So‘nggi yillarda bu muammo myunxenliklarda ham paydo bo‘ldi, chunki yulduzlar katta maoshlar evaziga shartnoma imzoladi, boshqa o‘yinchilar ham taxminan shuncha maosh olishni xohladi. Aynan shuning uchun Uli Xyoness bu mavsum oldidan, masalan, maoshlar strukturasi borasida aniq chegarani belgilab qo‘ygandi.

"Bavariya"da hamon yaxshi futbolchilar ko‘p, ammo har kim o‘z rolini biladi. Bu Vensan Kompanining katta xizmati, chunki murabbiy jamoaning har bir futbolchisiga o‘z o‘rnini belgilab berganiga ishonchim komil", - dedi "Bavariya"ning sobiq futbolchisi Lotar Matteus.