Лотар Маттеус "Бавария"ни ҳозирда Европанинг энг яхши жамоаси деб атади.

Мюнхенликлар 6 ўйинда 18 очко жамғариб, Бундеслига турнир жадвалида пешқадамлик қилмоқда.

"Бавария"нинг ҳозирги натижалари ҳайратланарли. Мюнхенликлар "Айнтрахт"га қарши баҳсда ўз кучини кўрсатди.

Менимча, "Бавария" ҳозир Европанинг энг яхши жамоаси. Ва гап фақат натижаларда эмас.

Жамоа ҳақиқатан ҳам ўйиндан завқ олаётгани кўриниб турибди. Жамоа ичида аниқ тузилма мавжуд. Европанинг бошқа кўплаб етакчи клубларида ҳозирча йўқ.

Масалан, Жуд Беллингем ёки Винисиус ҳақида тинимсиз гапириладиган "Реал". Ёки молиявий аҳволи туфайли доимий норозилик ҳукм сураётган "Барселона"ни. Яна "Ливерпуль", у ерда кўп пул сарфланди, аммо шу билан бирга жамоа ичида ҳасад ҳам пайдо бўлди.

Тасаввур қилинг, "Бавария" Ламин Ямални ўз сафига қўшиб олса - ҳақиқий хаос юзага келади.

Сўнгги йилларда бу муаммо мюнхенликларда ҳам пайдо бўлди, чунки юлдузлар катта маошлар эвазига шартнома имзолади, бошқа ўйинчилар ҳам тахминан шунча маош олишни хоҳлади. Айнан шунинг учун Ули Хёнесс бу мавсум олдидан, масалан, маошлар структураси борасида аниқ чегарани белгилаб қўйганди.

"Бавария"да ҳамон яхши футболчилар кўп, аммо ҳар ким ўз ролини билади. Бу Венсан Компанининг катта хизмати, чунки мураббий жамоанинг ҳар бир футболчисига ўз ўрнини белгилаб берганига ишончим комил", - деди "Бавария"нинг собиқ футболчиси Лотар Маттеус.