Shvesiya terma jamoasi bosh murabbiyi Yon-Dal Tomasson "Arsenal" hujumchisi Viktor Dyokereshni himoya qilib, uning jamoa o‘yiniga ta’sir ko‘rsatmayotgani haqidagi da’volarni rad etdi.
"Viktor hozir juda yaxshi formada va juda yaxshi o‘ynamoqda. Agar odamlar u o‘yinlarga ta’sir qilmaydi deyishsa, demak ular futbolni tushunishmaydi va u haqida hech qanday tasavvurga ega emaslar.
U boshqa o‘yinchilar uchun joy yaratadi, to‘p bilan ishlaydi va yuguradi. Bu ajoyib va u deyarli har doim gol uradi. U ta’sir qiladi va juda yaxshi o‘ynaydi, bu juda yaxshi, axir senga yangi klubga kelganingda vaqt kerak," - dedi Tomasson.
Eslatib o‘tamiz, Dyokeresh "Arsenal" safida barcha musobaqalarda 10 ta o‘yinda maydonga tushib, 3 ta gol urgan.
