"Arsenal" vingeri Leandro Trossard jamoadan ketish niyatida emasligini ta’kidladi.
"Bunday mish-mishlar doim paydo bo‘ladi... ammo jamoadan ketish men uchun hech qachon jiddiy variant bo‘lmagan. "Arsenal"da o‘zimni juda qulay his qilaman.
Shaxsiy formam va jamoaning o‘yiniga kelsak, yaxshi uchrashuvlar o‘tkazdim... Nihoyat, o‘zimni to‘liq tayyor, eng yuqori darajadagi o‘yinchi sifatida his qilyapman... Va bu meni juda xursand qiladi", - dedi 30 yoshli belgiyalik vinger.
Trossardning "kanonirlar" bilan shartnomasi 2027 yil yozigacha mo‘ljallangan. Transfermarkt uni 22 million yevroga baholamoqda.
