"Арсенал" вингери Леандро Троссард жамоадан кетиш ниятида эмаслигини таъкидлади.
"Бундай миш-мишлар доим пайдо бўлади... аммо жамоадан кетиш мен учун ҳеч қачон жиддий вариант бўлмаган. "Арсенал"да ўзимни жуда қулай ҳис қиламан.
Шахсий формам ва жамоанинг ўйинига келсак, яхши учрашувлар ўтказдим... Ниҳоят, ўзимни тўлиқ тайёр, энг юқори даражадаги ўйинчи сифатида ҳис қиляпман... Ва бу мени жуда хурсанд қилади", - деди 30 ёшли бельгиялик вингер.
Троссарднинг "канонирлар" билан шартномаси 2027 йил ёзигача мўлжалланган. Transfermarkt уни 22 миллион еврога баҳоламоқда.
