Kingsli Koman Saudiya Arabistonidagi o‘yinlari haqida fikr bildirdi. Vinger joriy mavsum Saudiya Arabiyasi chempionatida 4 ta o‘yinda 2 ta gol urdi va 4 ta golli uzatma amalga oshirdi.

— Saudiya Arabiston chempionatida o‘ynayotganizga qaramay, Fransiya terma jamoasiga chaqiruv olganingiz siz uchun syurpriz bo‘ldimi?
— Unchalik emas. Men Yevropada o‘n yil o‘ynaganman, u yerdan ketganimga hali bir oy ham bo‘lgani yo‘q. Mahoratini shuncha vaqtda yo‘qotib bo‘lmaydi.

Men hali ham “Bavariya”dagi o‘sha futbolchiman. Bir yil ichida darajamni yo‘qotmayman (kuladi). Men har doim terma jamoaga yordam berishga tayyorman. O‘z darajamni saqlab qolishimga ishonaman.

— Saudiyaga ketish yuqori darajadagi faoliyatning tugagani degan fikrlarga qanday qaraysiz?
— Bu murabbiyning yoki bu sohani tushunadigan odamning fikri emas. Men boshqalarning fikriga ahamiyat bermaslikni o‘rganganman.

Men u yerda o‘tgan mavsumda “Bavariya”dagiga nisbatan ancha ko‘p o‘ynayapman. Qaysi bir yaxshi: “Bavariya”da 20 daqiqa o‘ynashmi yoki har bir uchrashuvda maydonga tushishmi? Men u yerda asosiy futbolchiman.

Men “Bavariya”ning kiyinish xonasida ham muhim shaxs edim, lekin har ikkinchi o‘yindagina maydonga tushsangiz, ta’siringiz tabiiy ravishda kamayadi, — dedi “An-Nasr” vingeri Kingsli Koman.