"Barselona" sobiq yarim himoyachisi Miralem Pyanich faoliyatini yakunlash haqida o‘ylamoqda.
Legalbet’ga ma’lum bo‘lishicha, 35 yoshli bosniyalik futbolchi Rossiya klubini tark etgach, butsalarini mixga ilib qo‘yishi mumkin, chunki u hali ham yangi jamoa topa olmagan.
O‘tgan mavsum oxirida Pyanich SSKA bilan mehnat shartnomasini uzaytirmoqchi edi, ammo Marko Nikolich bosh murabbiylikdan ketganidan keyin jamoani tark etishga qaror qildi.
"Qizil-ko‘klar" libosida Pyanich 25 ta uchrashuvda qatnashib, 3 ta golli uzatmani o‘z hisobiga yozdirib qo‘ydi.
