Jizzaxda «So‘g‘diyona» - «Dinamo» o‘rtasidagi o‘rtoqlik uchrashuvi bo‘lib o‘tdi.

Samarqandliklarning aksariyat o‘yinchilari milliy va yoshlar jamoalarida ekani sababli Vadim Abramov bugun tarkibda bir qator o‘zgarishlarga qo‘l urdi. Ikkinchi bo‘limda esa zaxiradagi barcha o‘yinchilarga imkoniyat berildi.

Uchrashuvda Shoxrux Abdurahmonov hisobni ochgan bo‘lsa, bir daqiqa o‘tib Fraydey muvozanatni tikladi – 1:1.

15-daqiqada esa Akbar Abdurasulov "Dinamo"ni hisobda oldinga olib chiqdi, bo‘lim yakunida esa mezbonlar hisobni tenglashtirishdi – 2:2.

Ikkinchi bo‘limda esa qator o‘zgarishlar amalga oshirildi. 53-daqiqada Jasur Jaloliddinovning goli mezbonlarga nazorat bahsida g‘alaba keltirdi - 3:2.

O‘rtoqlik o‘yini. 11 oktyabr
«So‘g‘diyona» - «Dinamo» - 3:2
Gollar: Shohrux Abdurahmonov 2’, Islom Qobilov 31’, Jaloliddinov 53' – Fraydey 3’, Akbar Abdurasulov 15'.