Angliyalik mashhur sobiq hujumchi Alan Shirerning fikricha, Londonning "Arsenal" klubi joriy mavsum Premyer-liga chempionligini qo‘lga kiritishi shart.
"Kanonirlar" 7 turdan keyin turnir jadvalida peshqadamlik qilmoqda va "Liverpul"ni 1 ochkoga ortda qoldirmoqda. Oldingi uchta mavsumda Mikel Arteta jamoasi ikkinchi o‘rinni egallagan.
"Arsenal" bu mavsumda Premyer-ligada g‘olib chiqishi kerak. Klub katta mablag‘ sarfladi, ammo ketma-ket uch yil ikkinchi o‘rinni egalladi, shuning uchun bu safar hamma Arteta chempion bo‘lishini kutishini bilamiz. Shuncha pul sarflaganingda, ikkinchi o‘rin endi qandaydir ijobiy narsa bo‘lib tuyulmaydi," - deya Shirerning so‘zlarini keltiradi ingliz OAV.
Kelasi shanba "Arsenal" safarda "Fulxem"ga qarshi bahs olib boradi.
