"Inter"ning armanistonlik yarim himoyachisi Genrix Mxitaryan "Borussiya" Dortmundda Yurgen Klopp qo‘l ostida ishlaganini yodga oldi.
"Klopp har qanday vaziyatda yechim topa olgan. U har doim aloqada bo‘lib, har qanday masalada yordam berardi. Germaniyada menga oson bo‘lmadi, lekin Yurgen meni har tomonlama qo‘llab-quvvatladi. Yutqazgan garovi uchun u hali ham mendan 50 yevro qarzdor," - deya yarim himoyachining so‘zlarini keltiradi Gazzetta dello Sport.
Eslatib o‘tamiz, Genrix 2013-2015 yillarda "Borussiya"da Klopp qo‘l ostida to‘p tepgan.
2022 yilning yozidan buyon 36 yoshli xavbek "Inter" sharafini himoya qilib kelmoqda. Mxitaryan Italiya grandi bilan 2026 yil iyun oyi oxirigacha mehnat shartnomasi tuzgan.













