Ispaniyaning "Vilyarreal" klubi bosh murabbiyi Marselino Garsiya Toral chempionat doirasida "Betis"ga qarshi kechadigan o‘yin borasida o‘z fikrlarini bildirib o‘tdi. 18 oktyabrga belgilangan to‘qqizinchi tur uchrashuvi Marselinoga rekord keltiradi, deya qayd etadi Marca portali.
Marselino "Vilyarreal" boshqaruvida rasmiy o‘yinlar soni bo‘yicha rekordchiga aylanadi - 259 ta uchrashuv.
"9-turda hech narsa hal bo‘lmaydi, lekin g‘alaba qozonish muhim, chunki biz uyda o‘ynaymiz, chunki bu to‘g‘ridan-to‘g‘ri raqobatchi.
"Men "Vilyarreal" safida eng ko‘p o‘yin o‘tkazgan murabbiyman, Pellegrini esa o‘z navbatida "Betis" safida eng ko‘p o‘yin o‘tkazgan murabbiy," - deya ta’kidladi Marselino.
Ushbu murabbiy 2013-2016 yillarda "Vilyarreal"ni boshqargan, 2023 yilda esa ikkinchi marta jamoa boshqaruviga kelgan. Uning shogirdlari hisobida 16 ochko va turnir jadvalida uchinchi o‘rin, "Betis" hisobida 15 ochko va to‘rtinchi o‘rin bor.
