Испаниянинг "Вильярреал" клуби бош мураббийи Марселино Гарсия Торал чемпионат доирасида "Бетис"га қарши кечадиган ўйин борасида ўз фикрларини билдириб ўтди. 18 октябрга белгиланган тўққизинчи тур учрашуви Марселинога рекорд келтиради, дея қайд этади Marca портали.
Марселино "Вильярреал" бошқарувида расмий ўйинлар сони бўйича рекордчига айланади - 259 та учрашув.
"9-турда ҳеч нарса ҳал бўлмайди, лекин ғалаба қозониш муҳим, чунки биз уйда ўйнаймиз, чунки бу тўғридан-тўғри рақобатчи.
"Мен "Вильярреал" сафида энг кўп ўйин ўтказган мураббийман, Пеллегрини эса ўз навбатида "Бетис" сафида энг кўп ўйин ўтказган мураббий," - дея таъкидлади Марселино.
Ушбу мураббий 2013-2016 йилларда "Вильярреал"ни бошқарган, 2023 йилда эса иккинчи марта жамоа бошқарувига келган. Унинг шогирдлари ҳисобида 16 очко ва турнир жадвалида учинчи ўрин, "Бетис" ҳисобида 15 очко ва тўртинчи ўрин бор.













