Madridning "Real" klubi himoyachisi Daniel Karvaxal Ispaniya chempionati doirasidagi "Barselona" - "Vilyarreal" uchrashuvi haqida o‘z fikrlari bilan o‘rtoqlashdi.
Uchrashuv UEFA ruxsati bilan 20 dekabr kuni Amerikaning Mayami shahrida bo‘lib o‘tishi kerak.
"Mening fikrimcha, bu turnirning halolligini buzadi. La Liganing barcha klublari ham o‘zaro teng kurash olib bormaydi. Shuningdek, barchamiz, futbolchilar va klublar adolat uchun kurashishi muhim deb hisoblayman," - deya Karvaxalning so‘zlarini keltiradi Teledeporte.
La Liganing bir o‘yinidan tashqari, Italiya chempionatining "Milan" va "Komo" jamoalari o‘rtasidagi o‘yini ham xorijda o‘tkazilishi kerak. O‘yin 2026 yil fevral oyida Avstraliyaning Pert shahrida bo‘lib o‘tadi.
