Мадриднинг "Реал" клуби ҳимоячиси Даниэль Карвахаль Испания чемпионати доирасидаги "Барселона" - "Вильярреал" учрашуви ҳақида ўз фикрлари билан ўртоқлашди.
Учрашув УEФА рухсати билан 20 декабрь куни Американинг Майами шаҳрида бўлиб ўтиши керак.
"Менинг фикримча, бу турнирнинг ҳалоллигини бузади. Ла Лиганинг барча клублари ҳам ўзаро тенг кураш олиб бормайди. Шунингдек, барчамиз, футболчилар ва клублар адолат учун курашиши муҳим деб ҳисоблайман," - дея Карвахалнинг сўзларини келтиради Teledeporte.
Ла Лиганинг бир ўйинидан ташқари, Италия чемпионатининг "Милан" ва "Комо" жамоалари ўртасидаги ўйини ҳам хорижда ўтказилиши керак. Ўйин 2026 йил февраль ойида Австралиянинг Перт шаҳрида бўлиб ўтади.
