FIFA prezidenti Janni Infantino jahon chempionatlaridan birini Boliviyada o‘tkazishni xohlashini ma’lum qildi. Bu haqda u turli yosh toifalari terma jamoalari uchun mo‘ljallangan mahalliy futbol federasiyasining yangi mashg‘ulot bazasi ochilishi marosimida aytdi. Boliviya baland tog‘li hududda joylashgani sababli, ko‘plab terma jamoalar bu yerda o‘ynaganda qiyinchilikka duch keladi.
«Biz, albatta, bu yerda jahon chempionatini o‘tkazamiz. Qaysi jahon chempionati ekanini keyin ko‘ramiz, ammo bu yerda yaratilayotgan infratuzilma va mamlakatning futbolga bo‘lgan ishtiyoqini hisobga olsak, bu g‘oyani qo‘llab-quvvatlashda davom etishimiz kerak», — dedi Infantino ABC nashriga bergan intervyusida.
Eslatib o‘tamiz, keyingi jahon chempionati 2026 yilda AQSH, Meksika va Kanadada o‘tkaziladi. 2030 yilgi mundial olti davlatda, 2034 yilgi musobaqa esa Saudiya Arabistonida bo‘lib o‘tadi.













