Elit Osiyo chempionlar ligasi 3-turi doirasida "Nasaf" Dubayda "Shabab al-Ahli" klubi mehmoni bo‘lib, imkoniyatni boy berdi.

Mezbonlar 8-daqiqada Federiko Kartabiya tomonidan urilgan gol evaziga hisobni ochishdi. "Nasaf" esa oradan 2 daqiqa o‘tar-o‘tmas muvozanatni tikladi — Zafarmurod Abdurahmatov o‘tkir burchak ostida chiroyli zarba berib, darvozani ishg‘ol qildi.

Shundan so‘ng "Nasaf" o‘yin nazoratini o‘z qo‘liga olish uchun harakat qildi. Ammo 27-daqiqada "Shabab" jarima zarbasini ishladi. Kartabiya tomonidan yetkazilgan to‘pga Renan Viktor davrozagacha 13 metrlar masofadan zarba berdi. Darvozabonimiz Varobey esa qaytarishi shart bo‘lgan to‘pni o‘tkazib yubordi.

Shundan ustunlik dubayliklar tomoniga o‘tdi va ular tanaffusga qadar hisobdagi farqni 2 ta golga oshirishdi — Mateosao tezlikda himoyachimizdan qochib ketdi va Vorobeyni dog‘da qoldirdi.

Ro‘ziqul Berdiyev ikkinchi bo‘limda bir qator o‘zgarishlarni amalga oshirib, vaziyatni o‘nglashga intildi. Ammo bugun yaxshi formada bo‘lgan "Shabab al-Ahli" qarshiliklarga imkoniyat qoldirmadi. Boz ustiga, tinib-tinchimas Kartabiya qo‘shib berilgan daqiqalarda aniq pas bilan Brenoni darvozamiz oldida qulay vaziyatga chiqardi va hisob 4:1 ga yetdi.

"Nasaf" ketma-ket 3 ta g‘alabadan keyin G‘arb mintaqasida eng so‘nggi pog‘onani egallab turibdi.

Elit OCHL. 3-tur. 21:00
«Shabab al-Ahli» - «Nasaf» - 4:1 (3:1)
Gollar: Federiko Kartabiya (8), Renan Viktor (27), Mateosao (41), Breno (90+5) — Zafarmurod Abdurahmatov (10)
«Shabab al-Ahli» - 22. Hamad Almeqeboliy, 13. Renan Viktor, 4. Bogdan, 75. Mateus Enrike, 23. Mersad, 6. Said Izzatullohiy, 88. Maksimovich, 10. Kartaniya (s), 77. G.Bala, 9. Dabbur, 19. M.Lima
«Nasaf»: 1.Vorobey, 2.Davronov, 22.Golban, 28.Muhammadiyev, 34.Nasrullayev, 14.Muhitdinov, 92.Eshmurodov, 8.Abdurahmatov, 7.SHala, 10. Cheran, 24.Bahromov