Элит Осиё чемпионлар лигаси 3-тури доирасида "Насаф" Дубайда "Шабаб ал-Аҳли" клуби меҳмони бўлиб, имкониятни бой берди.

Мезбонлар 8-дақиқада Федерико Картабия томонидан урилган гол эвазига ҳисобни очишди. "Насаф" эса орадан 2 дақиқа ўтар-ўтмас мувозанатни тиклади — Зафармурод Абдураҳматов ўткир бурчак остида чиройли зарба бериб, дарвозани ишғол қилди.

Шундан сўнг "Насаф" ўйин назоратини ўз қўлига олиш учун ҳаракат қилди. Аммо 27-дақиқада "Шабаб" жарима зарбасини ишлади. Картабия томонидан етказилган тўпга Ренан Виктор даврозагача 13 метрлар масофадан зарба берди. Дарвозабонимиз Варобей эса қайтариши шарт бўлган тўпни ўтказиб юборди.

Шундан устунлик дубайликлар томонига ўтди ва улар танаффусга қадар ҳисобдаги фарқни 2 та голга оширишди — Матеосао тезликда ҳимоячимиздан қочиб кетди ва Воробейни доғда қолдирди.

Рўзиқул Бердиев иккинчи бўлимда бир қатор ўзгаришларни амалга ошириб, вазиятни ўнглашга интилди. Аммо бугун яхши формада бўлган "Шабаб ал-Аҳли" қаршиликларга имконият қолдирмади. Боз устига, тиниб-тинчимас Картабия қўшиб берилган дақиқаларда аниқ пас билан Бренони дарвозамиз олдида қулай вазиятга чиқарди ва ҳисоб 4:1 га етди.

"Насаф" кетма-кет 3 та ғалабадан кейин Ғарб минтақасида энг сўнгги поғонани эгаллаб турибди.

Элит ОЧЛ. 3-тур. 21:00
«Шабаб ал-Аҳли» - «Насаф» - 4:1 (3:1)
Голлар: Федерико Картабия (8), Ренан Виктор (27), Матеосао (41), Брено (90+5) — Зафармурод Абдураҳматов (10)
«Шабаб ал-Аҳли» - 22. Ҳамад Алмеқеболий, 13. Ренан Виктор, 4. Богдан, 75. Матеус Энрике, 23. Мерсад, 6. Саид Иззатуллоҳий, 88. Максимович, 10. Картания (с), 77. Г.Бала, 9. Даббур, 19. М.Лима
«Насаф»: 1.Воробей, 2.Давронов, 22.Голбан, 28.Муҳаммадиев, 34.Насруллаев, 14.Муҳитдинов, 92.Эшмуродов, 8.Абдураҳматов, 7.Шала, 10. Черан, 24.Баҳромов