Lionel Messi "Inter Mayami" bilan shartnomasini 2028 yil oxirigacha uzaytirdi. Shundan so‘ng, MLS klubining asosiy investori Devid Bekxem izoh berdi.
"Maqsadimiz "Inter Mayami"ga va bu shaharga eng yaxshi o‘yinchilarni olib kelishdan iborat - biz aynan shu ishni qildik. Futbol tarixidagi eng yaxshi o‘yinchini shahrimizga olib keldik. Bu [shartnomani uzaytirish] bizning Mayamiga bo‘lgan sadoqatimizni, shuningdek, Leoning ham shaharga, klubga va o‘yinga bo‘lgan sadoqatini ko‘rsatadi. U avvalgidek qat’iyatli va g‘alaba qozonishni istaydi. Biz, xo‘jayinlar uchun futbolni juda yaxshi ko‘radigan va mamlakatda futbol rivoji uchun ko‘p ish qilgan futbolchiga ega bo‘lish - bu ulkan omad," - deya Bekxemning so‘zlarini keltiradi "Inter Mayami" klubi sayti.
Shanbaga o‘tar kechasi "Inter Mayami" "Neshvill"ga qarshi bahs olib boradi.













