Лионель Месси "Интер Майами" билан шартномасини 2028 йил охиригача узайтирди. Шундан сўнг, MLS клубининг асосий инвестори Дэвид Бекхэм изоҳ берди.
"Мақсадимиз "Интер Майами"га ва бу шаҳарга энг яхши ўйинчиларни олиб келишдан иборат - биз айнан шу ишни қилдик. Футбол тарихидаги энг яхши ўйинчини шаҳримизга олиб келдик. Бу [шартномани узайтириш] бизнинг Майамига бўлган садоқатимизни, шунингдек, Леонинг ҳам шаҳарга, клубга ва ўйинга бўлган садоқатини кўрсатади. У аввалгидек қатъиятли ва ғалаба қозонишни истайди. Биз, хўжайинлар учун футболни жуда яхши кўрадиган ва мамлакатда футбол ривожи учун кўп иш қилган футболчига эга бўлиш - бу улкан омад," - дея Бекхэмнинг сўзларини келтиради "Интер Майами" клуби сайти.
Шанбага ўтар кечаси "Интер Майами" "Нэшвилл"га қарши баҳс олиб боради.
