«Барселона» вингери Ламин Ямал Роберт Левандовскининг «Камп Ноу» мухлислари билан хайрлашувига муносабат билдирди. Ҳужумчи «кўк-анорранглилар» сафида ўз майдонидаги сўнгги учрашувини ўтказди — унинг шартномаси мавсум якунида ўз ниҳоясига етади. «Бетис»га қарши кечган ва 3:1 ҳисобидаги ғалаба билан тугаган баҳснинг якуний ҳуштагидан сўнг, польяк футболчиси маҳаллий мухлисларга мурожаат йўллади.
Ямал жамоадошининг ишқибозлар билан видолашувига ижтимоий тармоқлар орқали битта сўз билан изоҳ қолдирди: «Афсона».
18 ёшли испаниялик футболчининг ўзи эса ушбу учрашувда иштирок этмади — у апрель ойида олган жароҳатидан сўнг тикланиш жараёнини давом эттирмоқда.
Роберт Левандовски 2022 йилнинг ёзидан буён «Барселона» шарафини ҳимоя қилиб келаётган эди.
