«Реал»нинг бўлажак бош мураббийи Жозе Моуриньо ҳозирданоқ таркибни кучайтириш масаласини фаол муҳокама қилмоқда. Португалиялик мутахассис «қаймоқранглилар» учун биринчи потенциал янги аъзони танлаб олди.
Маълум бўлишича, Моуриньо Мадридга келганидан сўнг асосий эътиборни ҳимоя чизиғини мустаҳкамлашга қаратмоқчи. Жозе сотиб олмоқчи бўлган илк футболчи «Манчестер Сити» ҳимоячиси Йошко Гвардиол ҳисобланади.
Хорватиялик футболчининг «шаҳарликлар» билан амалдаги шартномаси 2028 йилнинг ёзига қадар мўлжалланган. Шу сабабли, «Реал» Йошконинг трансфер нархи масаласида чегирмалар кутмаса ҳам бўлади.
