«Real»ning bo‘lajak bosh murabbiyi Joze Mourinyo hozirdanoq tarkibni kuchaytirish masalasini faol muhokama qilmoqda. Portugaliyalik mutaxassis «qaymoqranglilar» uchun birinchi potensial yangi a’zoni tanlab oldi.
Ma’lum bo‘lishicha, Mourinyo Madridga kelganidan so‘ng asosiy e’tiborni himoya chizig‘ini mustahkamlashga qaratmoqchi. Joze sotib olmoqchi bo‘lgan ilk futbolchi «Manchester Siti» himoyachisi Yoshko Gvardiol hisoblanadi.
Xorvatiyalik futbolchining «shaharliklar» bilan amaldagi shartnomasi 2028 yilning yoziga qadar mo‘ljallangan. Shu sababli, «Real» Yoshkoning transfer narxi masalasida chegirmalar kutmasa ham bo‘ladi.
