«Барселона» якшанба куни мавсумдаги ўз майдонидаги сўнгги учрашувини ўтказди. Ханс-Дитер Флик шогирдлари ўз стадионларида «Бетис» жамосини 3:1 ҳисобида мағлуб этишди.
Ушбу баҳсда ҳужумчи Маркус Рэшфорд тўлиқ 90 дақиқани захира ўриндиғида ўтказди. Испаниянинг Sport нашри хабарига кўра, аслида Рэшфорд учрашув якунланиши арафасида захирадан майдонга туширилиши режалаштирилган эди. Бироқ англиялик футболчи жисмоний ноқулайлик (жароҳат аломати) ҳис қилгани сабабли майдонда кўриниш бермади.
Маркус Рэшфордда бошқа ҳеч қачон «Камп Ноу»да тўп суриш имконияти бўлмаслиги истисно этилмаяпти. Чунки ижара муддати якунига етганидан кейин англиялик ҳужумчининг «Барселона»да қолиши сўроқ остида турибди. Маълумот учун, Рэшфорднинг трансфер ҳуқуқи «Манчестер Юнайтед» клубига тегишли ҳисобланади.
