Украинанинг «Шахтёр» клубида тўп сураётган 20 ёшли ҳужумчи Кауан Элиас фаолиятини Испания чемпионатида давом эттириши мумкин. Бу ҳақда инсайдер Экрем Конур ўзининг ижтимоий тармоқлардаги саҳифалари орқали хабар бермоқда.
Манбанинг берган маълумотларига кўра, бразилиялик ҳужумчининг хизматларига Каталониянинг «Барселона» клуби қизиқиш билдирмоқда. «Шахтёр» раҳбарияти Элиаснинг эҳтимолий трансферидан тахминан 40 миллион евро ишлаб олишни режалаштирган. «Кўк-анорранглилар» сафида у Роберт Левандовскининг ўрнини эгаллаши мумкин.
2025/2026 йилги мавсумда бразилиялик футболчи Украина жамоаси сафида 36 та учрашувда майдонга тушди. Ҳужумчи ушбу баҳсларда ўз ҳисобига 11 та гол ва 7 та голли узатмани ёздириб қўйишга муваффақ бўлди.













