Ukrainaning «Shaxtyor» klubida to‘p surayotgan 20 yoshli hujumchi Kauan Elias faoliyatini Ispaniya chempionatida davom ettirishi mumkin. Bu haqda insayder Ekrem Konur o‘zining ijtimoiy tarmoqlardagi sahifalari orqali xabar bermoqda.

Manbaning bergan ma’lumotlariga ko‘ra, braziliyalik hujumchining xizmatlariga Kataloniyaning «Barselona» klubi qiziqish bildirmoqda. «Shaxtyor» rahbariyati Eliasning ehtimoliy transferidan taxminan 40 million yevro ishlab olishni rejalashtirgan. «Ko‘k-anorranglilar» safida u Robert Levandovskining o‘rnini egallashi mumkin.

2025/2026 yilgi mavsumda braziliyalik futbolchi Ukraina jamoasi safida 36 ta uchrashuvda maydonga tushdi. Hujumchi ushbu bahslarda o‘z hisobiga 11 ta gol va 7 ta golli uzatmani yozdirib qo‘yishga muvaffaq bo‘ldi.