«Barselona» darvozaboni Joan Garsiya tez orada jarohatidan to‘liq tiklanishi kutilmoqda. 24 yoshli ispaniyalik futbolchi sentyabr oyining oxiridan beri tizzasidagi jarohat sabab o‘yinlarda qatnashmayotgan edi. Marca nashrining yangilangan ma’lumotlariga ko‘ra, darvozabon individual mashg‘ulotlarda yuklamalarni muammosiz bajarmoqda.

Kelasi haftada Garsiya jamoaviy mashg‘ulotlarga qo‘shilishi kutilmoqda, uning asosiy tarkibga qaytishi esa, ehtimol, 22 noyabr kuni bo‘lib o‘tadigan «Atletik» (Bilbao)ga qarshi o‘yinga to‘g‘ri keladi. Bu o‘yin terma jamoalar bahslari uchun ajratilgan tanaffusdan keyin bo‘lib o‘tadi.

Xalqaro tanaffusgacha «Barselona» «Elche» (bugun), «Bryugge» (5 noyabr) va «Selta» (9 noyabr) bilan uchrashuv o‘tkazadi.