«Барселона» дарвозабони Жоан Гарсия тез орада жароҳатидан тўлиқ тикланиши кутилмоқда. 24 ёшли испаниялик футболчи сентябрь ойининг охиридан бери тиззасидаги жароҳат сабаб ўйинларда қатнашмаётган эди. Marca нашрининг янгиланган маълумотларига кўра, дарвозабон индивидуал машғулотларда юкламаларни муаммосиз бажармоқда.

Келаси ҳафтада Гарсия жамоавий машғулотларга қўшилиши кутилмоқда, унинг асосий таркибга қайтиши эса, эҳтимол, 22 ноябрь куни бўлиб ўтадиган «Атлетик» (Бильбао)га қарши ўйинга тўғри келади. Бу ўйин терма жамоалар баҳслари учун ажратилган танаффусдан кейин бўлиб ўтади.

Халқаро танаффусгача «Барселона» «Эльче» (бугун), «Брюгге» (5 ноябрь) ва «Сельта» (9 ноябрь) билан учрашув ўтказади.