«Barselona» hujumchisi Ferran Torres «Elche»ga qarshi 3:1 hisobidagi g‘alabadan so‘ng o‘yin haqida fikr bildirdi.
25 yoshli ispaniyalik futbolchi «ko‘k-anorranglilar»ning ikkinchi goli muallifi bo‘ldi. Shuningdek, Lamin Yamal va Markus Reshford ham bittadan gol urdi.
«O‘yinni yuqori shiddat bilan boshlash va tezda hisobni ochish juda muhim edi — bu bizga keyinchalik vaziyatni nazorat qilish imkonini berdi. Menimcha, biz yana o‘tgan mavsumdagi “Barsa”ni ko‘ra boshladik. Gol urganimdan juda xursandman — men har doim jamoaga yordam berishga intilaman», — dedi Torres o‘yindan keyingi intervyuda.
11 turdan so‘ng «Barselona» 25 ochko bilan La Liganda ikkinchi o‘rinda boryapti va yetakchi «Real»dan 5 ochko orqada.
